بسم الله الرحمن الرحيم
السلام عليكم ورحمة الله وبركاته
حيا الله الجمـــــــــــــيع ... وخصوصاً بنوتات المنتدى الغالياااات
اليوم شيفكم شموخ العز جايبة لكم طريقة عمل الجريش .. ومضمونة 100 % بإذن الله
وشرطي أن كل من جرب هالطريقة يقولي وش النتيجة .. وإلا تراني بزعل
<<< تدلع عليكم
المهم .. والاهم من المهم لا يفووووتكم هالجريش السنع
ويالله نشوف الطريقة والمقادير ...
المقادير ....
3 كاسات ماء
2/1 1 كاس لبن
1 بصلة متوسطة الحجم ومقطعه قطع صغيرة
4/1 اصبع زبدة
1 ملعقة صغيرة ملح أو حسب الرغبة
2/1 ملعقة صغيرة كمون مطحون
1 بيالة رز مصري ( سليق )
2 كاس جريش
الطريقة ....
نحط الماء واللبن والزبدة والبصل والكمون والملح في قدر ونولع عليهم النار لين يفور ...
طبعاً يكون الجريش والرز المصري مغسولين زين .. ثم نحطهم على الماء واللبن وتوابعهم ونقصر على النار .. وقبل ماانسى نحط عليهم كم حبة فلفل أحمر ...
نترك الجريش على نار هادية لمدة 3 ساعات ونصف ..
قبل مانحرك الجريش نحط عليه عصير ليمون حسب الرغبة ..
طبعاً نحرك الجريش بالملاس ( نقول له الملاس ) عاد أنتم ما ادري شنو تسمونه
نحركه لين تذوب حبات الجريش ..
طبعاً نكون مجهزين ( كشنة ) نحطها على وجه الجريش إذا غرفناه .. وتتكون من بصل مقطع قطع صغيرة + زيت أو زبدة أو سمن + شوي كمون + شوي ملح + شوي بزار .. ونحطها على النار لين يذوب البصل شوي ..
بعدها نغرف الجريش ونحط الكشنة على الوجه ونجمله بالفلفل الأحمر ...
وعليكم بالف عااافية
وهذي طريقة أختكم شموخ العز في الجريش ..
جربوها وبإذن الله تعجبكم ..
ولاتنسوني من طيب دعواتكم ..
حفظكم الله
أختكم
شموخ العز
